客家外台戲中的時空穿越

【文／薛常威／國立中央大學客家語文暨社會科學學系在職專班碩士生】

 

一般電視電影裡所說的「穿越劇」，笑點其實是來自「時代錯誤」（Anachronism），把不可能出現在同一時代的事物安排在一起。客家外台戲中，演員總是有意或無意地讓一些不可能同時出現的事物，不經意地在劇情裡出現，藉此製造出特別的笑料。

這些在時間性上不可能一致出現的可以是物品，或是人物、事件、思想、技術、衣物、風俗習慣，乃至各種只跟某一段時代有關的事物，把它們放置在同一時空就會出現讓觀眾覺得意外的感受。

像是劇中白豬嫲想參軍，官爺實在不知道她在軍中能做些什麼？

白豬嫲：人講，大膦。

官爺：妳講麼个？

白豬嫲：毋係，𠊎講大人哪。

官爺：講麼？

官爺：哎喲哎喲。唉~出去該企等，毋係，𠊎這斯擎起招軍旗，愛摎番仔相㓾，今妳這身扭等來扭麼个到底呀？

白豬嫲：毋係，大人。毋好恁樣啦，大人啊。

官爺：妳看官家人就係恁形个人係啊？

白豬嫲：哎喲，你喔。

官爺：𠊎又毋係阿麟~ (白豬嫲現實生活中的老公，戲班張天麟)

白豬嫲：在這兵營恁久仔喔，你毋會痎係啊？(海陸)

官爺：亂算講，無愛。

白豬嫲：毋係啦，大人。

官爺：恁形獻妖嬌，大人無習慣。

白豬嫲：喔~無習慣係啊？

官爺：係。

白豬嫲：啊，大人哪，𠊎摎你講啦，𠊎乜共樣愛來做兵。

官爺：做兵？

白豬嫲：係啊。

官爺：你安到麼个名。

白豬嫲：𠊎~豬嫲。

官爺：𠊎問妳名，毋係問麼个豬嫲，豬嫲該豬寮就有啊。

白豬嫲：毋係豬嫲走醒个豬嫲啦，𠊎講𠊎姓白，安到白豬嫲啦。

官爺：妳安到白豬嫲係喔？

白豬嫲：係哪。𠊎摎你講啦，該這做阿兵哥，摎人相㓾，該𠊎斯奈毋何啦。但是啊，你若摎番兵相㓾，著毋著，𠊎今摎你開銃，銃著頭那…..

官爺：𠊎吂出兵，妳斯講分人開銃。

白豬嫲：毋係啦，𠊎斯講，今晡日該阿兵哥啊，若有受傷，𠊎做得摎佢醫藥，啊~著啦，做該護士小姐啦(國語)。

官爺：麼个士士小姐，麼个安到士士小姐啊(國語)。

白豬嫲：護士小姐就係摎人注射啊，摎人膏藥仔个啊。

……

白豬嫲：唉喔，還好搞喔，還會捉人个腳啊。

白豬哥：好了啦，該還吂死。

白豬嫲：等下仔，𠊎這有大笐射，𠊎先摎佢「打點滴」。好了，點滴打好

了，𠊎這有藥仔，藥仔分你食。喔，阿哥，該「礦泉水」無帶著。該食藥仔無水，愛仰般來食？

客家外台戲的故事背景都是設定在過去，而在古裝劇裡，「護士小姐」、「注射」、「打點滴」跟「礦泉水」根本就不會出現，這會讓觀眾產生時空錯置、突兀的好笑感。

而這一段演出中白豬嫲故意把「大人」講成「大膦」，也製造了一種諧音的笑料。



註：

擎起：kia11hi31；舉起。

相㓾：xioŋ24cii11；㓾是殺害，相㓾則是指戰爭。

痎：hoi55；是海陸客家話，相當於四縣話的癢ioŋ24，指皮膚癢。這裡另外意指男人在軍營裡生活寂寞難耐，對異性有幻想。

獻妖嬌：hien55ieu24gieu24；妖嬌是指女子姿態嫵媚迷人。獻妖嬌則是指女子故作嬌媚迷惑男人。

做兵：zo55bin24；當兵。

豬寮：zu24liau11；豢養豬的地方，即豬舍。客家話寮跟舍意義相當，例如學生宿舍客家話說「學寮」。

豬嫲走醒：zu24ma11zeu31xiaŋ31；指母豬發情。

奈毋何：nai55m11ho11；受不了，應付不了。

銃：cuŋ55；槍。

好搞：ho31gau31；是指一件事很好玩。如果唸成hau55gau31則是指一個人很愛玩、貪玩。

大笐射：tai55goŋ24sa55；指打點滴。






　

▲BACK